“Mənə dedi ki, sən pis günlərə qalacaqsan...” – Namiqə cadu etdilər

09 2018 14:47

Ayağının sınması ilə bir müddət aktiv sənətdən əlini-ətəyini çəkən Namiq Qaraçuxurlu, geri dönüşülə bəzilərini qara dəliklərə salsa da, fanatlarını sevindirdi. Efirlərdə ağrılarını gizlətməyə çalışan ifaçıya elə özünün dediyi kimi, deyəsən, cadu olunub. Namiqin adını çəkib düyün bağlayanlar, hətta onun ətrafına öz şər toxumlarını səpməkdən belə çəkinməyiblər.

Ayağındakı problem və ağrılar Namiq Qaraçuxurluya hələ də müəyyən çətinliklər yaratdığı üçün ifaçı, özünü səhnədə belə yarımçlıq hiss etdiyi dilə gətirdi.

Namiq Qaraçuxurlu: “Könlüm tam olaraq açılmır. Bu da fiziki əziyyət çəkdiyimə görədir. Rahaqlıqla deyib gülə bilmirəm. Mən hazırda səhnədə özümü tam hiss etmirəm. Elə bilirəm ki, yarımçığam. Ayağım bu cür olduğu üçün istədiyim addımı ata bilmirəm”.

Sevənlərinin onun düşdüyü durumdan narahatlığını ifadə edən müğənni, səhnədə özünü gümrah göstərdiyini söylədi. Lakin yenə də bəzilərinin dilinin ağzına sığışmaması, sənətçi haqda irəli-geri fikirlərin yaranmasına da səbəb oldu.

Namiq Qaraçuxurlu: “Ağrılarımı, əziyyət çəkdiyimi bacardığım qədər efirdə bildirmək istəmirəm. Çünki sevənlərimi çox üzdüm. Mən əməliyyatdan çıxıb bir video çəkdim və instaqramda paylaşdım. Vəziyyətimin yaxşı olduğunu həmin video ilə söylədim. Üstündən bir gün keçdi. Bəzi yazıları oxudum və mənə pis təsir etdi. Yazdılar ki, nolub ey, Allah bilir ayağı burxulub. Halbukli ayağımın vəziyyətini mən bilirdim də. Söylədilər ki, ayağı burxulub, bunu da şişirdirlər, şou yaradırlar. Belə şeyləri gördüm, pis oldum. Özümü tənzimləyə bilmədim”.

“Əməliyyatdan sonrakı şəkilləri çəkdim və məcburən bəzi insanlara görə sosial şəbəkəyə yerləşdirdim. Düşünürəm ki, yenə yanlış etdim. Qara qüvvələrə görə sevənlərimi üzmək doğru bir addım deyildi”.

Namiq, çətin günlərində halna yanıb nigaran olanlarla yanaşı, bəs düşdüyün vəziyyətə sevinənlər oldumu?

Namiq Qaraçuxurlu: “Oldu, əlbəttə. Çox sevinənlər oldu. İnsanın pis vəziyyətinə sevinmək dəhşətli bir şeydir. Bu, insanlığın son həddidir. Mən sevinirəm ki, elə insanlar məni sevmirlər”.

Göz-nəzər Namiq Qaraçuxurluya elə bir badalaq verib sənətçini çıxılmaz vəziyyətdə qoyub ki, durduq yerdə heç nədən xoşagəlməz bir olay yaşanıb.

Namiq Qaraçuxurlu: “Bədnəzər və cadu var. Heç nədən belə bir hadisə ortaya çıxdı. Hadisə də olmayıb. Ayağımı səkiyə qoydum. Sürüşdüm, oturdum ayağımın üstünə. Nə baş verdiyini anlamadım. Baxdım, elə bildim, yuxudayam. Ayağım tərsinə çevrilmişdi. Bədnəzər, cadu var”.

“Evdən çox cadu tapmışam. Bəlkə də, indi də var. Axtarmıram. Təsadüfən çıxıb. Maşınımdan qıfıllar çıxıb. Cadunu edən insanlar həyatdan nə istədiklərini bilmirlər”.

Müğənninin danışığından belə məlum olur ki, hətta açıq-aşkar şəkildə onu tanıyanlardan biri Namiqə cadu eliyib, ona əngəl törədəcəyini söyləyibmiş.

Namiq Qaraçuxurlu: “Bir neçə insan var ki, onların hansı falçının yanına getdiyini də bilirəm. Hətta Rusiyada magiya ilə məşğul olan insanların yanına da gedirlər. Hansı ki, dişlərini qıcayıblar ki, biz onu məhv etməliyik. Şəxsən tanıyıram. Biri mənim üzümə də deyib ki, sən pis günlərə qalacaqsan”.

Namiq, bəlkə, elə həmin cadunun nəticəsi idi ki, başına belə bir iş gəldi?

Namiq Qaraçuxurlu: “Ola bilər ki, mən sürüşdüm yıxıldım. Ancaq bu hadisə mənə xeyir gətirdi. İşlərim çoxaldı, tələbat çoxaldı. Çox şeyləri dərk etdim. Başa düşdüm ki, insan o qədər də böyük varlıq deyil. Anladım ki, bir ayın içində kasıb bir vəziyyyətə düşə bilərəm. Mənim adıma nələr çıxardız. Ancaq yenə də sevənlərimin qəlbinə təsir edə bilmədiz”.

Sonda sənətçiyə bütün yamanlıqlardan uzaq uğurlu sənət yolu arzu edirik.

Qeyd edək ki, "ARB Ulduz"  kanalını  Azərspace 1 peykində 11024 tezliyində,  polyarizasiya: (V), FEC 5:6,  symbol rate: 12698 izləyə bilərsiniz.